There are no items in your cart
Add More
Add More
| Item Details | Price | ||
|---|---|---|---|
सस्नेह नमस्कार,
महाराष्ट्रातील उत्कृष्ट कथासंग्रह / कादंबरी ह्या साहित्यकृतीचा गौरव करावा आणि मराठी साहीत्यिकांना प्रोत्साहन द्यावे या उद्देशाने ‘सुचेतस आर्ट्स’ ने पुरस्कार देण्याचे योजिले आहे.
ज्या लेखकांचे / प्रकाशकांचे कथासंग्रह व कादंबरी प्रकाशित झालेले आहेत, त्यांच्याकडून पुरस्कारासाठी प्रस्ताव मागवण्यात येत आहेत. आपले साहीत्य खालील निकषावर तपासले जाईल ‘लेखनशैली / शुध्दलेखन (प्रूफ चेकिंग) / धाटणी (जॉनर) / साहीत्याचा दर्जा’ प्रकाशित झालेल्या कथासंग्रह व कादंबरीच्या प्रत्येकी दोन प्रती व आपला अल्प परिचय खालील पत्त्यावर पाठवावे. निवड झालेल्या पुस्तकांच्या लेखकास अथवा प्रकाशकास पत्राद्वारे कळविण्यात येईल. तसेच सुचेतसच्या वेबसाईटवर नावे जाहीर केली जातील. पुरस्कार वितरण ‘सुचेतस आर्टस’ च्या वार्षीक संमेलनात केले जाईल.
प्रकाशन कालावधी – 1 जानेवारी 2025 ते 31 मार्च 2026 पुस्तके पाठवण्याचा अंतिम दिनांक – 30 जून 2026
पुस्तक पाठवण्यासाठी पत्ता :- श्री अमेय पिसाळ सर्वे नं. 59/2 अ, प्लॉट नं. 36, ओम कॉलनी, लेन नं. 2, बिजलीनगर, हनुमान स्वीटस जवळ, चिंचवड, पुणे – 411033 महाराष्ट्र
संपर्क - 'सुचेतस आर्टस' – 9921095542 (Pls WhatsApp if any Query)
'सुचेतस आर्टस' आयोजित,
'मराठी भाषा अभिवाचन स्पर्धा २०२५' (वर्ष पाचवे)
नमस्कार,
'सुचेतस आर्टस' ही अभिवाचन, ऑडिओबुक्स, भाषांतर यामधे काम करणारी संस्था आहे. दरवर्षी प्रमाणे आम्ही 'मराठी भाषा अभिवाचन स्पर्धा' आयोजित करत आहोत. ही स्पर्धा ऑनलाईन आहे.
नियम व अटी -
१. मराठी भाषेतील कुठलीही कथा /संहिता आपण सादर करु शकता. (जी संहिता निवडणार आहात, तिच्या लेखकाची परवानगी घेण्याची जबाबदारी अभिवाचकाची असेल.)
२. स्त्री / पुरुष / मुले ह्यात वैयक्तिक भाग घेवू शकतात.
३. सर्वप्रथम नांव नोंदणी करुन आपण आपला प्रवेश निश्चित करावा. त्यासाठी व्हॅाटसअप मेसेज करून फॉर्म मागवून घ्यावा. आपली पूर्ण व अचूक माहीती फॉर्ममधे भरुन पाठवावी
४. अभिवाचन केलेली कथा, अभिवाचकाने आधी कुठेही सादर केलेली किंवा रेकॉर्ड केलेली नसावी. तसेच निकाल जाहीर होईपर्यंत स्पर्धेत पाठवलेले ऑडिओ बाहेर व्हायरल करू नयेत. असे ऑडिओ स्पर्धेतून बाद होतील.
५. आपले अभिवाचन ऑडिओ स्वरुपात लवकरात लवकर मेलवर पाठवावे. ऑडिओ क्लिपला - आपले नांव - कथेचे नांव अशा पध्दतीने नांव द्यावे.
६. अभिवाचनाच्या सुरुवातीलाच 'सुचेतस आर्टस' आयोजित 'मराठी अभिवाचन स्पर्धा २०२५' असा उल्लेख असावा. नंतर 'स्वतःचे नांव, कथेचे नांव' रेकॉर्ड करावे. अभिवाचन संपेल तिथे 'समाप्त' हा शब्द यायला हवा.
७. अभिवाचन अवधी - १० ते १५ मिनिटे (अभिवाचन १० मिनिटांपेक्षा कमी नको आणि १५ मिनिटांपेक्षा जास्त नको.)
८. अंतिम तारखेच्या रात्री १२ वाजेपर्यंत येणारे ऑडिओ प्रवेशासाठी पात्र ठरतील. त्यानंतर आलेल्या प्रवेशिका बेदखल केल्या जातील.
९. महत्त्वाची सूचना - आपले अभिवाचन सलग हवे, त्यात कुठल्याही प्रकारची तांत्रिक सुधारणा नको.
१०. नाव नोंदणी करण्याची अंतिम तारीख – १५ नोव्हेंबर २०२५
११. आपले ऑडिओ पाठवण्याची अंतिम तारीख - ३१ डिसेंबर २०२५ (रात्री १२ वाजेपर्यंत )
१२. परिक्षकांचा निर्णय अंतिम राहील. परिक्षक मंडळाकडून अभिवाचनाचा दर्जा पाहून नि:पक्षपाती परीक्षण होईल.
१३. अभिवाचनाचे परीक्षण - भाषा, कथेचा दर्जा, उच्चार, स्पर्धेसाठी ठरवलेला वेळ, श्रवणीयता या मुद्यांवर होईल.
१४. स्पर्धेतील पारितोषकांचे स्वरूप, मानचिन्ह व ई- प्रशस्तीपत्रक अशा स्वरुपात असेल.
१५. प्रत्येक सहभागीला ई- प्रशस्तीपत्रक दिले जाईल.
इच्छूक अभिवाचकांनी लवकरात लवकर नाव नोंदणी करावी.
* वैयक्तिक प्रवेश फी - रु. ३००/-
पारितोषिके -
* सर्वोत्कृष्ट वैयक्तिक अभिवाचन - तीन पारितोषिके
* खास पारितोषिके - * सर्वोत्कृष्ट पुरुष अभिवाचक * सर्वोत्कृष्ट स्त्री अभिवाचक
संपर्क - 'सुचेतस आर्टस' – 9921095542
ऑडिओ पाठवायचा Email id – suchetasindia.arts@gmail.com
Facebook Page - https://www.facebook.com/Suchetasarts
नियम व अटीच्या पूर्ण माहितीसाठी 9921095542 ह्या नंबरवर व्हॉटसअप करावे.
सस्नेह नमस्कार, मराठी साहीत्यिकांना प्रोत्साहन मिळावे या उद्देशाने ‘सुचेतस आर्ट्स’ ने “मराठी कथालेखन स्पर्धा” घेण्याचे योजिले आहे.
प्रवेशिका पाठवायची अंतिम तारीख – १५ नोव्हेंबर २०२५
कथा मेल करायचा कालावधी – १ नोव्हेंबर २०२५ ते ३१ डिसेंबर २०२५
स्पर्धा सशुल्क आहे. प्रत्येक प्रवेशिकेसाठी रु. 150/- प्रवेश फी आहे.
संपर्क - 'सुचेतस आर्टस' – 7709073008 (Pls WhatsApp if any Query.) (मेसेजमध्ये ‘कथालेखन स्पर्धा 2025’ असा स्पष्ट उल्लेख असावा.)
कथा पाठवायचा मेल आयडी – suchetasindia.arts@gmail.com
Note: पुरस्कारप्राप्त कथा ऑडिओ स्वरूपात सुचेतसच्या वेबसाईटवर प्रसिद्ध होतील.
नियम व अटी : 1. लेखनस्पर्धेसाठी कुठल्याही जॉनरची कथा चालेल. फक्त ती मराठी भाषेत असावी व कथा ह्या लेखन प्रकारात बसली पाहीजे. 2. कथा पूर्णपणे नवी हवी. मेलमध्ये शीर्षकात कथेच्या नावाचा उल्लेख असावा. 3. एका स्पर्धकाला कितीही प्रवेशिका पाठवता येतील. प्रत्येक प्रवेशिका स्वतंत्र समजली जाईल. मुदतीनंतर आलेल्या प्रवेशिका स्वीकारल्या जाणार नाहीत. 4. कथा लेखनासाठी शब्दमर्यादेचं बंधन ‘कमीत कमी 1500 व जास्तीत जास्त 3500’ शब्द इतके आहे. यापेक्षा मोठी कथा ग्राह्य धरली जाणार नाही. 5. कथेत किळसवाणी, बिभत्स वर्णने नकोत. शृंगारिक वर्णने नकोत. राजकीय, जातीय, बॉडी शेमिंग नसावे. त्याच बरोबर प्रक्षोभक लेखन टाळावे. 6. कथा देवनागरी लिपीत वर्ड फाईल मधे नीट टाईप करून मेल करावी. ‘कथा स्वलिखित असल्याचे निवेदन व आपला अल्प परिचय’ सोबत जोडावा. मेलमध्ये डायरेक्ट कॉपी पेस्ट केलेल्या प्रवेशिका, तसेच नीट वाचता न येणाऱ्या प्रवेशिका बाद होतील. 7. स्पर्धेसाठी कुठलीही वयोमर्यादा नाही. 8. अत्यंत महत्वाचे, कथालेखन स्वतंत्र, स्वत:चे असावे. भाषांतरित कथा स्पर्धेसाठी विचारात घेतल्या जाणार नाहीत. 9. कथा कुठेही पूर्वप्रकाशित नसावी. स्पर्धेचा निकाल जाहीर होईपर्यंत कथा कुठल्याही प्रकारे प्रकाशित करू नये. (फेसबूक, व्हॉटसअप वर देखील नाही. अशा प्रसिध्द कथेच्या प्रवेशिका बाद होतील.)
परीक्षण नि:पक्षपातीपणे होईल. परीक्षकांचा निर्णय अंतिम असेल. स्पर्धेसाठी आलेल्या सर्व प्रवेशिकांमधून तीन स्पर्धक विजेते म्हणून निवडले जातील. सुचेतसच्या वेबसाईटवर नावे जाहीर केली जातील. पुरस्काराचे स्वरूप ‘प्रमाणपत्र व वाचनीय पुस्तके’ असतील. सहभाग ई प्रमाणपत्र दिले जाईल.
सस्नेह नमस्कार
महाराष्ट्रातील उत्कृष्ट कथासंग्रह / कादंबरी ह्या साहित्यकृतीचा गौरव करावा आणि मराठी साहीत्यिकांना प्रोत्साहन द्यावे या उद्देशाने ‘सुचेतस आर्ट्स’ ने खालील पुरस्कार देण्याचे योजिले होते.
| १. कै. सर्जेराव माने स्मृती कादंबरी पुरस्कार २. कै. इंदुमती कोकाटे पाटील (बाबी) स्मृती कथासंग्रह पुरस्कार प्रत्येकी रोख रक्कम ११०० रुपये व सन्मानपत्र |
पुरस्कारासाठी लेखक/ प्रकाशकांकडून कथासंग्रह व कादंबरी मागवण्यात आले होते. दुसऱ्या वर्षी देखील लेखकांचा चांगला प्रतिसाद मिळाला त्याबद्दल सर्वांना धन्यवाद! सर्व साहीत्य खालील निकषावर तपासले गेले.
"लेखनशैली / शुध्दलेखन (प्रूफ चेकिंग) / धाटणी (जॉनर) / साहीत्याचा दर्जा’
पुरस्कारासाठी आलेले सर्व कथासंग्रह व कादंबऱ्या आमच्या मान्यवर परीक्षकांनी काळजीपूर्वक वाचले. समीक्षण म्हणून साहित्याकडे न बघता एक वाचक म्हणून त्यांचे परीक्षण झाले. नाशिकचे सर्वश्रुत लेखक श्री. श्रीराम शिंगणे व पुण्याच्या बहुश्रुत वाचक सौ. अश्विनी कुलकर्णी यांनी आपला बहुमोल वेळ या परीक्षणासाठी दिला, त्याबद्दल त्यांचे मनापासून आभार!
कादंबरी प्रकारात, ‘वायंगी’ हे पुस्तक सर्व निकषांवर पुरेपूर उतरले. यावर्षी देखील अपेक्षेनुसार दर्जेदार कथासंग्रह मिळाला नाही. पण स्पेशल आणि वेगळ्या कॅटेगरीत ‘रत्नगीतार्या’ ह्या पुस्तकाने पुरस्कार पटकावला. हे पुरस्कार जाहीर करताना आम्हांला अतिशय आनंद होत आहे. विजेत्यांचे हार्दिक अभिनंदन!!
“कै. सर्जेराव माने स्मृती कादंबरी पुरस्कार”
विजेती कादंबरी ‘वायंगी’ - लेखक श्री अविनाश महाडीक, मुंबई
‘कै. इंदुमती कोकाटे पाटील (बाबी) स्मृती कथासंग्रह पुरस्कार’
विजेते स्पेशल पुस्तक ‘रत्नगीतार्या’ - लेखक श्री गोपाळ शंकर वैद्य, पुणे
रोख रक्कम ११०० रुपये व सन्मानपत्र
पुरस्कारांची रक्कम व मानपत्र लवकरच पाठवले जाईल.
संपर्क - 'सुचेतस आर्टस' – 9921095542 (Pls WhatsApp if any Query)
Launch your Graphy
